انا الضدين
بقلمي
انا الاتنين
بنفس الاسم والتقاسيم
انا الضدين
بقلبي القاسي احيانا بقلب رحيم
وفي سجودي
خشوع ودموع بتملا العين
ولحظة غفله
بتاخدني وتوردني هلاك وضنين
انا صادق
لكن كداب مع نفسي
ابان عاقل
لكن مجنون ساعة انسي
وانا العنوان
وانا التايه في ليل امسي
ثائر عاشق
حجر جامد لغيت حسي
ساعات مخلص
ساعات خاين
كيان غامض
لكن باين
وانا صحرا
مفيش جواها اي حياه
وانا خضره
ومليانه جمال وصفا
واكون عارف ومش عارف
عايش خايف ومش خايف
وانا رعشه في كفوف الايد
وانا رجفه بعاني برود
وانا لفحة حرارة الشمس
وانا مسحور وصابني المس
ولو تجمعني تطرحني
تلاقيني نتيجتي صفر
ليست هناك تعليقات:
إرسال تعليق