انت القصيدة
..............
الكلام لساه بيرقص
لما يسمع حرف
اسمك
والكناريا جت تغنى
لما شافت رسم
جسمك
انت انثى بالف انثى
انت انثى تاعبنى
وصفك
يا جميلة والجمال
غير
ملامحك
كنت سمرا والا بيضا
مافتكرش
انى يوم بصيت ف
وشك
كل حبى كان
لروحك
كان لقلبك
كان لنفسك
الوشوش بتدوب يا غالية
واللى باقى لروحى
قلبك
مش بقلك
انت احساس القصيدة
لما يملاها الوجع
انت روح تعشق جروحى
لما تلمس طرف
يدك
كل احلامك جميلة
وحلمى واحد
روحى تفضل جنب
منك
انت خليتى القصيدة
شيئ عجيب
تبكى بدموعها الحروف
لو فى يوم عنك تغيب
منصور عبد المقصود
ليست هناك تعليقات:
إرسال تعليق