آن الأوان للفركشة
بصيت عليك اتخشبت
راسي إرتعبت
مالقتش فيك حد اعرفه
إذ فجأة
بصيت لي بقلق
أنا مش انا
بصيت على طول المسافه
لقيت فراق
طالل وفارض طلته
والقلب رافض
قسمته
طبب حواف الجرح \
لم الباقى \
خالف بوصلته
راسم خريطة للهروب
حتى معاده محدده
دافع تمن طولة الامل
مجهول طريقه
بس مضمون آخرته
وبرغم ما ليك ف الحشا
تحويشه م الشوق مدهشه
إذ فجأة
كل الزوايا الحادة ممكن تنفرج
والصبر مفتاح والفرج \
مين اللى عارف شفرته
إذ ربما
ليس المفر
إنى أقر بأمر واقع
أمر واقع فوق دماغى
مشتته
آن الاوان للفركشه
هاله عصفور
ليست هناك تعليقات:
إرسال تعليق