استعذاب
ويا اللى عنيكي سبورة
أنا التلميذ
أنا الدايب .. أنا خايب
عنيد وبليد
بليد بعدك
آيا اللى البعد مسطرتك
بمسطرتك
بيتلسوع جبين قلبي
يا قلب حديد
يا فصل جديد وأنا لوحدى اللى طاير
فيكى باتعذب
وبافرد وشك الكراس
باتهجى وباتذنب
وباستعذب
عذابك فيا .. والأعذب
عنيكى ورخية الحراس
ويا اللى عنيكى سبورة
كتبتك
جوه قلبى الماس اسطوره
وأسطرتك
وبارجعْ تانى أتلسوع
بمسطرتك
ويا اللى ف دفاترى حضور
بابص ألاقى نفسى غياب
فى دفاترك
ليست هناك تعليقات:
إرسال تعليق