فيكي الي صان والي نهب
والي عليكي من غير سبب
والي انظلم ومقالش اه
اياك يقول
ده حتى تبقى قلة ادب
فيكي الي لعن يوم ما اتخلق
والي خرم مليون مكان للحلق
والي خسارة ميتك ترويه
والي عليكي دمه اتحرق
فيكي الي سافر بره واتغرب
والي امتحن سؤال كان متسرب
والي عاش عمره ماشاف مالضلمة
والي بظلم القلب مات متكهرب
فيكي الي نام وهو متعشي
والي احتار ازاي يومه هيمشي
مبقاش الحلم فرخة او فخدة
بقى الامل كبيره حلة محشي
فيكي الي وقف يحمي تراب اراضيكي
والي تعب منين وازاي يراضيكي
والي اتولد منك وساخة بطن
بمية اخضر من قطر يولع فيكي
فيكي الي صلى الصبح وراح شغله
والي الشيطان في الاصل كان ظله
الي رضي بالي اتقسم وكان له نصيب
والي سف الخير الي طرح كله
فيكي من الاشكال الف صنف ولون
الي يبوس ترابك والي اصله يخون
والي عشان تعلي وتعلي وتتقدمي
يدفن لك الغازي ... مين ما يكون
يا مصر فيكي .... كله على كله
من غير ما شوفه ايوة راح اقول له
وان كان فاكرنا صغيرين فعنيه
الي كتب له كتاب بادينا هنحله
فيكي الي فهم الكلام على قد فهمه
وقال ده خاين ولا عميل احنا هنلمه
وفيكي ابن البلد الي حس القول
وقال تعيشي يا مصر ويسلملها تمه
د. وليد الشامي
تحياتي وشكري العميق بالرغم من اني اقل من ان اتواجد على هذا المنبر لشاعر عملاق نسعد بما يجود به علينا من ابيات
ردحذفد. وليد الشامي
تحياتي وشكري العميق بالرغم من اني اقل من ان اتواجد على هذا المنبر لشاعر عملاق نسعد بما يجود به علينا من ابيات
ردحذفد. وليد الشامي