بتذكّر (باللهجة اللبنانيّة)
بتذكّر لمّا كنتي مَعي مرّة قلتيلي
أنِّك من قلبِك حبّيتي لمّا عرفتيني.
و إنّك كلّ ما ببعد عنِّك عمتشتاقيلي
و أنّك لمّا بتحكيني عمترتاحيلي
...
بتذكّر إنّي صدّقتِك
و صرتي تجي و روح لعندِك
وصرنا روحَين بقَلب الحبّ
و صرنا جسمين بنبضِة قَلب
...
بتذكّر شو كنّا نِسهَر.
بتذكّر شو كنتي تقولي.
وأنا مِن حكياتِك إسكَر
وإنتي مقابيلي...
وياما انا وايّاكي حلِمنا
مع إنّا لحظة ما نمنا
نحكي والديك يذكّرنا
بطلوع الضوّ...
...
آخر مرّة شفتِك فيها
كنتي زعلانة...
قلتيلي هي آخر مرّة
و ما إلها ثاني...
وإنّه قدرنا نتفارق رغم اللي كان.
وقلتي يا ليت منبقى نعيش النسيان
وأنّه من اليوم ورايح خلّينا اصحاب...
رحتي و سكّرتي وراكي للحبّ الباب.
...
هههههه
نيّالك شو عابالِك فيكي تنسي
وانا اللي حبّيتِك ضاعت منّي نفسي
خسران بلعبه حبّي و بعرف نَحسي
معوّد و مش عمبتربّى أحفظ درسي
القصّة عندي أخرها خلّينا اصحاب
وبعد الكلمة في دمعة و في طبشِة باب
الكلمة محبوسِة بقلبي خلّينا اصحاب
الكلمة حسرة بقلبي خلّينا اصحاب
...
عدنان خليفة
2016
ليست هناك تعليقات:
إرسال تعليق