حلق البشر صابه المرار
والانكسار أصبح قانون
ليل البكا...... قتل النهار
والضلمه لون من ألف لون
يا كسرة النفس التي
سكنت حياتي ودنيتي
امتي الفرار من وسط نار
عصر المصالح و الجنون ؟؟؟
الفرحه فوق خدى الحزين
تايهه ما بين الدمعتين
والآه بتولد ألف آه
من ظلم أوجاع السنين
وانا الوحيد تايه مابين
جبل الغيوم فوق كتفنا
وهموم...... بتاكل حلمنا
من نن أحضان العيون
العدل فين يا مسلمين
والكفه ليه بتميل كده
ليه النهار دايما حزين
والقلب ليه صابه الصدا
هنروح لمين ونقول يا مين
وللا لمين الفضفضه
ليه انقضى زمن الوفا
وللا اختفي القلب الحنون
كان نفسي أعيش بجناح وريش
وأطير وأحلق ف الفضا
كان نفسي أقول ما يهمنيش
من اللي فات واللي انقضي
يا جنس حب الانبطاح
واتمكنت.. منه الجراح
صعب اني ألاقي سكتي
وسط المساوئ ....والظنون
**************************
رضا ابو الفيط
ليست هناك تعليقات:
إرسال تعليق