من كلماتي .. (السيد الخولي)
(عبد الروتين المتين )
عدي علينا بكره ياسيد
مش فاضيين نمضي وﻻ نقيد
روح الزق دمغة علي الطلبات
وهات تأشيرة من الحسابات
واطلع فوق الدور الخامس
مضي سها ونهلة وجماﻻت
وانزل عند الحاج امين
يعملك حافظة وتأمين
والحق قبل الخزنة ماتقفل
سدد لها مية وخمسين
خلص بقي دا الضهر هيدن
انا رايح اصلي في الكنتين
طب نشرب شاي .. درجنا مفتوح
وﻻ تروح للحاج فتوح ؟؟
شخص إتم وماهوش بحبوح
هاتجيب له شهادة انك حي !!!
وتعدي عليه العام الجاي
طلبك هيكون في اﻻرشيف
وابقي قابلني بقي ياخفيف
ليست هناك تعليقات:
إرسال تعليق