سجال رقم 1
للشاعر رضا ابو حسين - سميرة محمودي شاعرة الريف
..........................................................
الشاعر رضا ابو حسين
..........................
قابلتها .....
وغرقت ف بحور ضيها
ياااحسنها ...
ده ف لحظه قلبي ارتاح لها
مدت ايديها بالسلام
حضنت ايدها و بوستها
قام الكسوف طارح ورود
على خدها
يابختها ... يااااابختي انا
( ياايها القلب الذي هام بها )
اسمع بقى
هو انت مازهقتش شقى
اهو جه نصيبك م الهنا
وكأنه شمس تهل ساعة شقشقه
شايف كلام جوه العيون
وحروف مغلفها التقى
صدق عيونها ياقلبي انا
ده عيونها صادقه زيها
ياااافرحها ... يافرحي انا
( قالت بأني قد خلقت ..
. لكي اكون فقط لك )
مانا كمان مخلوق لها
مديت ايديا أقطف ورود
من خدها
للورد شوك جرح ايديا
لاجل ان اسيبه ف أرضها
حتي الورود عاشقاها زيي
وقلبي اهو غاااار منها
ياااااوردها .. ياشوكي انا
( قابلتها)
( احببت فيها الشمس فى شروقها )
الشمس حتى نفسها
بتغير اوي من ضيها
انا مش مصدق اني صح
قاااااابلتها
الشاعرة سميرة محمودي
...............................
قابلتها ؟؟؟
قلبك هدي ؟؟
من قبل ما
تنهي هوايا بتبتدي.؟؟؟
قبل الكلام سكت الكلام
قبل السلام ضاع السلام
وبديت هوي وبديت غرام
مع دي ودي
قابلتها ؟؟؟؟؟
"يا من تركت القلب يلهو عندها
سلم علي تلك الغريمة قل لها
اني الضحية قبلها
مديت ايديا بالسلام
وحضنت ايدي وبوستها
واهو كان ساعتها يا بختي انا
دلوقتي اه يا بختها
قابلتها .؟؟؟
قلبك هدي ؟؟؟؟
من قبل ما
تنهي هوايا بتبدي
حسيت بنورها ازاي وفين
الشمس تطلع مرتين
مرتاح لها ومرتاح لمين
ياسيدي ......
قلبي اللي شفته زمان خلاص
حبي اللي فيه ناوي الخلاص
وابعد علي هذا الاساس
ومن النهاردة هانبتدي
قبل الكلام سكت الكلام
قبل السلام ضاع السلام
وبديت هوي وبديت غرام
مع دي ودي
قا بلتها ؟؟؟؟؟
ليست هناك تعليقات:
إرسال تعليق