{ إعتراف }
غرقتنى بجمايلك
طب اعمل ايه وأحايلك
أنا قلبى كان مفتوحلك
وف نن عينى وشايلك
أنا قلبى كان بيعيش
لما يقوللى مفيش
جوه القلوب زيك
أنا قلبى كان محتاج
لما بشوف أوداج
تسقينى من خمرك
أنا قلبى لما يحن
ممكن يلاقى المن
بيجينى من قلبك
أنا قلبى له أوقات
لكن ساعات وساعات
واهو كله من أجلك
أنا قلبى ليك وحدك
عايش على الذكرى
أصل القلوب تكره
تندم ع اللى فات
أنا قلبى مش ندمان
نفسى أشوف إنسان
بيحب بالفطره
أنا قلبى لون واحد
مالوهش ف الألوان
أنا قلبى مش أجره
♡نبيل الوردانى ♡
شاعر
ليست هناك تعليقات:
إرسال تعليق